2024-yildan hozirgi kunga qadar «O‘zbekiston texnologik metallar kombinati» AJ boshqaruvi raisining o‘rinbosari lavozimida ishlaydi. Ish staji: 20 yil. Ilmiy darajasi: texnika fanlari doktori (DSc). 2019-yilda U. Ro‘ziyev «WC-VC-Co (volfram karbidi – vanadiy karbidi – kobalt) tizimidagi yeyilishga yuqori darajada chidamli qattiq qotishmalar yaratish» mavzusida dissertatsiya himoya qildi va texnika fanlari bo‘yicha PhD ilmiy darajasini oldi. Qattiq qotishmalarga qo‘shish uchun volfram nano kukunini olish usuli ishlab chiqildi, bu ham kimyo, ham fizika uchun muhim ahamiyatga ega. Ushbu usulga patent olindi. 2023-yilda texnika fanlari doktori (DSc) ilmiy darajasini oldi. Dissertatsiya ishi O‘zbekiston Respublikasi Fanlar akademiyasi Umumiy va noorganik kimyo institutida bajarildi. Dissertatsiya natijalari bo‘yicha jami 14 ta ilmiy ish chop etilgan, shundan 5 tasi O‘zbekiston Respublikasi Oliy attestatsiya komissiyasi tomonidan doktorlik dissertatsiyalarining asosiy ilmiy natijalarini chop etish uchun tavsiya etilgan ilmiy jurnallarda, jumladan 3 tasi respublika va 2 tasi xorijiy jurnallarda chop etilgan. Shu usulda ishlab chiqarilgan qattiq qotishmalarni mamlakatdagi 70 ga yaqin korxona sotib oladi. Qattiq qotishmalarga qo‘shish uchun volfram nano kukunini olish usuli Janubiy Koreyaning Noyob metallar instituti (KIRAM) tomonidan ham qiziqish uyg‘otdi. Ushbu usulni kengaytirish bo‘yicha institut bilan birgalikda ishlar olib borilmoqda. Bundan tashqari, 30 dan ortiq ilmiy loyihalar ustida ishlagan va patentlar olgan, jumladan: gamma-aktivatsion spektrometr uchun volfram-mis bimetall nishonni ishlab chiqish, qattiq qotishmalarga qo‘shish uchun volfram nano kukunini olish usuli, plazmokimyoviy reaktor va boshqalar.